DK
DKW

Hoofartikel

Kuier

Kuns & Kultuur

TV

Tuisblad » Artikels

Evita gryp die voorlaaier

Geplaas deur op 22.01.10Geen Kommentaar

Evita Bezuidenhout

Vyftien jaar gelede het dié oudambassadeur van Bapetikosweti sonder werk gesit. Haar tuisland het nie meer bestaan nie, haar drie kinders, Billie-Jeanne, De Kock en Izan, was uit die huis en haar man, oud-LP, Hasie Bezuidenhout, reeds afgetree.
“Ek was ’n legende sonder weerklank. Maar toe sê Nelson Mandela: ‘Evita, kom help my’. Toe neem ek sy kombuis oor. Ek kook vir hom en die honderde mense wat hom besoek.
Almal wou foto’s laat neem met Madiba sodat ons moes glo hulle is ook aanhangers van demokrasie en menseregte.
Groot demokrate soos Moeammar Ghaddafi, Fidel Castro, Jasser Arafat, Robert Mugabe,
George Bush, die Spice Girls – almal het gekom en ek het vir hulle bobotie voorgesit
en hulle het dit so geniet.
“Later is ek parlement toe om die kombuis daar te help om die nuwe ANC-regering voor te stel aan ware Afrikakos ná ’n leeftyd in ballingskap. Ek het net poetoepap by als gesit: saam met soesji, brood-en-botterpoeding en die Atkins-dieet. My resep vir bobotie word toe die resep vir toenadering. Ons het dit na al die probleemplekke gestuur: Noord-Ierland, Noord- en Suid-Korea, Tsjetsjnië. Ons het die resep gestuur na die Kongo se vredeskonferensie met ons minister van buitelandse sake, Nkosazana Dlamini-Zuma,
toe eet sy die resep …”
Maar Madiba het afgetree en al het Evita nog in die sosiale binnekringe beweeg, het sy gewag op iets. Op ’n volgende kans. En toe kom dit – onverwags – aan die einde van verlede jaar, en dié slag was dit haar eie inisiatief. Sy stig haar eie politieke party: die Evita’s People’s Party.
“Ek het geen ambisie in die politiek nie. Ek was al daar. Soos hulle sê, ek het die teehempie. Maar ’n jaar gelede sê my oudste kleinkind, Winnie-Jeanne Makoeloeli – en sy is net tien jaar oud, uit die bloute: ‘Gogo? Vukuzenzele!’ Ek sê toe: “Sies, wat is dit?” Toe verduidelik hierdie klein gogga in ’n paar sinne watter rigting ek met my lewe moet inslaan.
‘Gogo, dis Xhosa vir ‘staan op en doen iets’. ‘Moenie daar sit en kerm soos so baie ander nie. Staan op en wys na wat verkeerd is en maak dit reg. Vukuzenzele!’ “Toe dog ek, janee
wragtig, laat ek weer die voorlaaier en kappie gryp en my land beskerm. Om seker te maak dat ons demokrasie behoorlik bly werk omdat my kleinkinders en joune dit nodig het. Daarom Evita’s People’s Party.
“Dit is nie ’n party vir politici nie; dis vir die mense, the people. Staan op en doen iets. Soos Obama gesê het: ‘Yes we can,’ sê ek vir ons korrupte politici: ‘No you can’t!!’
En toe praat ek en Evita politiek …

Be Sociable, Share!

Lewer kommentaar!

Voeg jou kommentaar onder die artikel by of vanaf vanaf jou eie webtuiste. Jy kan ook skryf in op hierdie kommentaar deur RSS.

Speel mooi, hou dit skoon. Bly op die onderwerp. Geen gemorspos.

Jy kan van die volgende gebruik maak:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Hierdie is 'n Gravatar-geaktiveerde webblog. Vir jou eie internasionaal erkende avatar, registreer asseblief by Gravatar.